Don jingsyier ba ka China, kan lah ban pur biang da ka coronavirus

Ka China, ka la khang ia baroh ki gym bad ki jaka ia jngi ha ka nongbah Beijing, hadien ba ka iohi, ba ka jingpang coronavirus, ka la sdang wan poi biang ha katei ka nongbah. Katei ka jingjia, ka dei hadien ba katei ka ri, ka la eksamin ia 10 million ngut ki briew, ha ka bynta ba shatei jong ka ri, kaba ia syndah pud bad ka Russia. Ka China, ka iathuh ba ha ka jylla Shaanxi, ki don 7 ngut kiba dang shu ioh pang thymmai bad kidei ki dei kiba wan phai na Russia.

Ki thymmei khubor, ki iathuh ba lada jia ba ka wan ka jingpang, sa shisien, kumta kan don ka jingktah kaba jur ia katei ka ri baroh kawei bad ia ka ioh ka kot jong ka ri bad ia ka jingtlot jong ka sorkar China, ha kaba yn iohi ha ka pyrthei hi ruh.

Ka Beijing, ka kam ba kito kiba ioh pang coronavirus ha China, ki don 82,816 ngut bad sa kiba iap, ki long 4,632 ngut, ha kaba haduh mynta, ym don satia kiba dang iap shuh. Katei ka jing kam jong ka China, halor ka jingiap, ka long pat, ha kaba baroh ki ri ka pyrthei, kim shaniah satia bad ki shim ba ka jingiap, ka long kham bun, ban ia kaba ki ai jingkhein.