Imphal: Ka jing ia kynad ha ka jylla Manipur, ka la dei kaba jubor tyngeh bad ka jing ia shoh ia dat hapdeng ki kynhun jaitbynriew, ka la pyniap ia ki bun phew ngut bad sa ki spah ngut, kiwei pat kiba mynsaw, ong ka khubor.
Kat haduh mynta, ki don 36 tylli ki met iap, kiba leit rah sha ka Regional Institute of Medical Science (RIMS) ha Imphal West district, ong ka khubor na katei ka hospital. Kitei ki dei ki met iap, ba la ioh sei na Imphal East and West, Churachandpur bad Bishenpur. Ki don sa shibun kiwei pat kiba mynsaw, na ka jingdei kuli ha RIMS bad Jawaharlal Nehru Institute of Medical Sciences.
Ka la don ruh ka jing ia siat hapdeng ki seng lehnoh, kiba ju don bynta ha ki jingialeh thma pyrshah jaitbynriew, ha kaba ki ia siat bad ki shipai ha Kangvai kaba ha Churachandpur district, kaba don ha ki bynta jong ka Phougakchao, ha syndah jong ka Bishnupur district bad ka Dolaithabi bad Pukhao ha Imphal East district. Ki shipai ki la poi biang por bad teh lakam, ia ka jing iakynad bad mynta, ki jaka, kiba kynthup ia ka Churachandpur, Kangpokpi, Moreh bad ka Kakching, ki don ha ka jingteh lakam kaba khlain bor jong ki bor shipai.
Ki don 10 hajar ngut ki shipai bad ki Assam Rifles, kiba don ha katei ka jylla, ban teh lakam ia ka suk ka sain bad 13 hajar ngut ki riew paidbah, ki la kynriah ia ki jaka shong jaka sah jongki, na ki jaka, ba don ka jing ia kynad kaba jur, ong shuh ka khubor.
we stand in solidarity with our tribal friends against this fascist regime.BJP dividing the country in the name of religion is a matter of great concern.This could have been avoided but because they the BJP think they are above the law is a serious matter of concern.
North east is not mainland india.