Don eiei sha lyndet, ong U MLA, naba kylla ka trok

Shillong:Halor ka jingkylla jong kawei ka truck, ha ka sngi saitjain, U Bah Adelbert Nongrum, MLA, u la ong ba kane ka la nang paw shai ba ka don eiei sha lyndet.

“Nalor jong ka truck tynrong da ki dew bilat ban pynbiej , ban thok ban lute iaka hok jong ki longdien , hynrei shapoh pat da u dewiong ,ha ba kumne ka Sorkar ka don aiu ban ong”u la one.

“Kum ban shu pynkynmaw ka jinglap met iap ha thliew krem Dewiong ha Psiar bad ha East Jiantia Hills ha ki bnai ba la leit la lap ba ki mynsiem baluilui ki la shu duh ei tang namar ka jingshah pyndonkam bakla ha ki khwan myntoi ka malade”u la bynrap.

U la ong ruh “Namar ka jingduk bad jing jynjar wat la ki dei ki bar jylla hynrei la pynlong langknia bad kum ki long Ing jong kito kiba la hap ban duh ei iala ki jong ki baieid namar ka jingthngan ka jingduk bad jingdawa jong ka kpoh , kane ka Case ruh la shu jah , namar ladep ban iapein ia ki mynsiem ba la duh noh tang da ka Pisa , ba siew lyngba ka Compensation”.
U bah Nongrum u la bynrap ruh “Kaba sngewsih bad sngewkthang katkum ki khubor ba paw lyngba ki jingjia ioh kem jong kita ki ba iaid bad kit beain la iohsngew ba don kita ki High level, ki low level, ki green level ban pyllait ia u dewiong”.

“Da ki spah klur ka state ka la duh ia ka Revenue collection bad ka royalty na ki truck dewiong bad sngewlehrain pat ki nongsaindur kum ki nonghikai SSA Kim shim la ioh wat tang ia ka tulop badei hok ka ba ki la dep trei kumjuh ia kiwei de ki contractual workers namar iaka royalty na u dewiong haka jaka ban poi shaka pla tyngka jong ka state poi man shaka pla tyngka jong ki khwan myntoi jong no re jong no. Kyndit thiah ko paidbah wat shah pynbieit ha u sbai “la ong u Bah Nongrum.