Don ardor, ar jaka; ki nong sambam ia ki nong ri jing ri

Shillong: U Bah C Shilla, Director ka AH &Vety jong ka Jylla, u la iathuh ba ka jingpynbeit dor ia ki jait jingbam ia ki jingri la phiah ha ki ar bynta, bad da ki ar ngut ki supplier,na ka bynta ka lum Khasi bad lum Garo.U la iathuh, “Ngi la shim ia ka dor kaba rit duh napdeng kiba wan thep haka jing tyrwa ban sam ia ki jingbam sha ki Farm jong ki nongri jingri,”la ong u Director u bah Shilla.

Ia ki jingbam na ka bynta ki Chick,ki Grower, ki layer kiba hap haka parent Layer katkum ka dor sorkar ka long 3250 tyngka shi kwintal ha lum Khasi bad 3500 tyngka shi kwintal ha lum Garo.
Jingbam na ka bynta ki poultry ka long 2750 tyngka shi kwintal ha lum Khasi bad 3000 tyngka shi kwintal ha lum Garo, na ka bynta ki Broiler Parent ka long 3250tyngka la 3450tyngka, bad na ka bynta ki Broiler pre starter,starter bad ki finisher a long 3190tyngka ha lum Khasi bad 3440 ne 3700 ha lum Garo.
Na ka bynta ki kuroiler Parent ba kynthup iaka chick feed,grower feed,finisher feed ka long 3250 tyngka ha lum khsi la 3450 ha lum garo, kuroiler feed bakynthup iaki chick feed,grower feed bad finisher feed kalong 2750tyngka ha lum khasi la 3000 tyngka ha lum Garo.
Na ka bynta ki Turkey feed ba kynthup iaki chick feed,grower feed bad finisher feed kalong 3700tyngka la 3990 tyngka shi kwintal.Ia ki pig feed ba kynthup iaki starter feed,grower feed bad finisher feed ka long 2650tyngka la 2785 tyngka.
Kador jong ki cattle feed ba kynthup iaki Heifer feed,Milch feed kalong 2645tyngka ha lum Khasi la 2758 ne 2790tyngka ha lum Garo.
Ka dor jong ki jingbam iaki balng bad langbrot ka long 2650 la 2900.Na ka bynta ki rabit pat ka long 2600tyngka ha lum Khasi la 2850 tyngka ha lum Garo.
Ia ki jingbam ba la tylliat pat kiba kynthup ia u Yellow Maize ka dor ka long 2210 tyngka ha lum Khasi la 2450 ha lum Garo.U Wheat Oil Cake ka long 2450tyngka la 2700tyngka.U Mustard Oil Cake ka long 2970tyngka la 3220 tyngka.U Common Salt ka long 1270tyngka la 1400 tyngka.Ia u Mineral Mixture ka long 7100tyngka la 7350 tyngka.U Ground nut Cake ka dor ka long 3400tyngka la 3650 tyngka.U Fish Meal kalong 3500 la 3750 tyngka bad u Soyabean pat ka long 4510 tyngka ha lum Khasi la 4750 tyngka ha lum Garo.
“Ia kitei ki jingbam lah ban ioh na ki arngut ki nongsam(suppliers) ba lashah jied kata u M/S Premier Feed Mill bad na M/S Vibrant Enterprise na ki ar jaka, kata na Umsning Ribhoi ia ki lum Khasi bad na Tura iaki ba na lum Garo,”la batai u Director.