Shillong 05 Iaiong: Ka Synod Highest Secondary School, Shillong ka la paw ha ka Top-20 jong ka result Secondary School Leaving Certificate (SSLC) lyngba ki arngut ki khynnah ba la pass bha ha kane ka exam, kata i Mesaribha Lyngdoh i ba la wan ha ka kyrdan ba 14 na ka Top-20 bad Shyla Lyngdoh Mawphlang i ba la wan ha ka kyrdan ba 18 na ka Top-20.
Hadien ba i Mesaribha Lyngdoh bad i Shyla Lyngdoh Mawphlang ila wan poi ha skul, i principal i la doh ieit ia ki namar ka jingsngewkmen ba ki la pynpawnam ia ka skul.
I Mesaribha Lyngdoh i la ioh heh mark ia ka subjek Health Education i ba la ioh 100 mark bad kiwei ki subjek i la ioh Distinction, katba i Shyla Lyngdoh Mawphlang i la ioh heh mark artylli ki subjek, kata ia ka subjek Science bad ka Health, iba la ioh haduh 99 mark.
Ha ba iakren bad kitei ki arngut ki khynnah jong ka Synod college ki ba la pass bha, ki la ainguh nyngkong eh ia u Blei u ba la don ryngkat bad ki, bad uba la pynpoi haduh kane ka khyllipmat namar kim sngew lah ban mutdur ba kin poi shaduh kane ka kyrdan.
Ki la ainguh ruh ia ki nonghikai ki ba la hikai bha ia ki naduh ka ba sdang jong ka skul bad dei maki ki ba la ialam lynti haduh ba kin poi haduh kane ka thong bad kumjuh ruh ia ki bahaiing hasem ki ba la ju ai mynsiem ia ki na kapor sha kapor, watla kidon ha ka jingduh jingkyrmen hynrei dei maki na ju ialam lynti.
Ki la iathuh ruh, ba ka jingpynkhreh ia kane ka exam kadei naduh ki bnai ba dangsdang long skul.
Haba kylli pat ba kaei ka jingthmu jongki hadien ba ladep ia ka jingpule, na ka liang i Mesaribha Lyngdoh i la iathuh, ba i kwah ban leit pule ia ka Art Stream namar I kwah ban involved ia ki subjek art. I Shyla Lyngdoh Mawphlang pat i a iathuh, ba i kwah ban pule ia ka Science namar I kwah ban pule Doktor.
Haba ioh ban iakren pat bad i Principal i la iathuh, ba ki la phah haduh 92 ngut ki khynnah ban iakhun ha kane ka exam SSLC bad baroh ki la pass bha khlem shah bat iwei ruh.
Phi don ban ong eiei?