Dkut shkor u Chetri, ba dait 30tylli ki ksew

Shillong, 25 K’lyngkot:
Hynnin ka janmiet sngi Thohdieng, uwei u bar jylla u la shah dait ha ki ksew haduh ba u la mynsaw jur bad dkut shkor. Une u bar jylla ba dei ka jait Chetri u don mynta ha hapdeng ka jingshah sumar ha Civil Hospital Shillong.
Katkum ka tyllong khubor, la iathuh ba une u bar jylla hynnin ka sngi ha ka por janmiet, u la shah dait haduh 30 tylli ki ksew bad kane ka la jia ha Mawprem Lumshyiad.
Hynne ka sngi haba u Rupang u la pyrshang ban wad jingtip halor katei ka jingjia na Civil Hospital, ki nurse ba dei peit kim lah ban iathuh bniah, hynrei ki la iathuh ba ka jingmynsaw jongu, ka long kaba la jur bha.
La pyrshang ban kylli na ki nongap ia u, hynrei kim don satia ha katei ka por bad ym lah ban tip bha ha kano ka rukom ka jia namar ba utei u Chetri um lah ban kren haba pyrshang ban kylli na u.