Die u Mali ia ki syntiew ha Lum Shillong

Shillong, 21 Iaiong:
Lai tylli ki syntiew ksiar kiba don ha u Lum Shyllong ki la shah die ha u Mali ba peit ia ki tang namar ba u kwah bor bad kwah spah palat. Ia kane la lap ha ka kot poetry ki Syntiew Ksiar ha Lum Shyllong ba la thoh da u Bah John Robert Khongjee bad la pynllait paidbah ia ka hynne ka sngi da u Bah RM Marwein ha Khasi National Dorbar Hall.
Kane ka kot kaba don khyndai dkhot ka la siat pharshi ia ka jingkwah bor ka jingkwah spah jong ki nongsynshar ka ri jong ngi haduh ba kin die duh ia la ka jong ka ri tang na ka bynta ka jingmyntoi ialade shimet bad namar kane ka daw, ka jaitbynriew kan sa kynduh ia ka jingeh. Hynrei ha kajuh ka por ka pynkyrsiew thiah ruh ia ki paidbah ban iakhun pyrshah ia kine ki jingsniew na bynta ka ri bad ka jaidbynriew, la ong u nongthoh jong kane ka kot ha ka jingkren lamphang hynne ka sngi.
Hadien kane, haba kren kynthoh halor kane ka kot, u Bah Grosswell Mylliemngap uba

dei u MLA barim ka jylla, u la ong ba kiei kiei kiba itynnad ki la nang syntuid ha kane ka ri jong ngi bad ka daw ka dei namar ba ka jingrhah spah jong ngi khlem pyrtkhat ia ka lawei ka ri. U la kyrmen ba kane ka kot kan long kum ka jingpynkyndit thiah ia ka jaitbynriew.