Die noh U Guardiola, ia U Jesus sha ka Arsenal, da 45 million pound

U Pep Guardiola, uba dei u nonghikai jong ka Manchester City, ula die noh ia U Gabriel Jesus, sha ka Arsenal, ha ka dor kaba 45 million pounds (USD 54 million), ha ka Lah Sngi U Blei.

U Jesus, ula ioh ban thep haduh 95 kol ha ki 236 sien ki jing ialehkai, na bynta ka Man City bad mynta, ula soi ia ka jing ia mynjur, kaba bun snem, ban don noh bad ka Arsenal. U Jesus, uba dei ruh, u nong ialehkai ka Brazil, ula ioh mynta ia ka lad ban iadon lang bad U Mikel Arteta, uba la don lang mynshwa bad U Pep Guardiola, ha ka Man City, kum u nongiarap lang jong U Pep.

U Jesus, ula poi ha ka khyllipmat, ba un nym lah shuh, ban dang ialehkai bha, lada u dang bteng ban don bad ka City, namar ba ka City, ka la thied thymmai, ia ki nongialehkai jongka, ba kynthup ia U Erling Haaland bad U Julian Alvarez.