Diaw ki 2 seng ba shah thombor ki samla NE

Shillong, 17 Rymphang:
Ki artylli ki seng bhalang jong ka Ri lum Jaintia kiba kynthup ia ka Jaintia Student Movement (JSM)-Central Body,HANM-Jaintia Hills Unit,ki la pynpaw ka jingsngewdiaw bad ka jingsngew bitar halor ka jing shah thombor jong ki samla pule jong ka thain shatei lam mihngi ka Ri India (North East) ha nongbah Delhi kaba iai Jia naki por shaki por.
Ha ka kyrwohba la pyllait paidbah da u Sambormi Lyngdoh publicity Secretary ka JSM u la pynrem jur iaka jing shynshar donbor jong ka sorkar kmie (central government) ka bym khein briew shuh ia ki nong North East. Shuh shuh naka liang jong ka JSM-CB,HANM-JHU ki kyntu ia Rahul Gandhi u ba dei u General Secretary jong ka All India Congress Commitee (AICC) ba un ieng skem haka juban lak kaba u lah khlei ha khmat ki samla pule jong ka thain shatei lam mihngi ka Ri India (North East) haka por baki shong kyllain myng ngor ha nongbah Delhi naka bynta ban ai kalad jingiada iaki samla pule jong ka North East India hapoh nongbah Delhi khnang baki samla pule jong kane thain kinlah biang ban ioh iaka jing shongsuk shong shngain hapoh ka nongbah Delhi.
Kumba shuh pynkynmaw ba u samla Nido sania uba na Arunachal Pradest ha ka 12 tarik kyllalyngkot u lah shah pyniap ha Nongbah Delhi,ka jing shah shoh jong arngut ki Thei Nagaland,ka jingshah shah leh be ijot kawei ka khynnah rit haka 8 tarik,ka jing shah shoh jong arngut ki samla shynrang na Manipur bad ka jing shah bom shah tied (lathi Charge)haki pulit ka nongbah Delhi mynnin ka sngi.