Diaw ka NESO na ki jingjia ha Manipur

Shillong, 22 Nohprah:
Ka North East Students’ Organisation (NESO) ka la pynpaw ka jingsngewkhia halor ki jingjia kiba nangiai jia ha kine ki sngi ha ka jylla Manipur ha kaba la mih ki kynrum kynram kiba ktah ia ka shongsuk shongsain ki paidbah. Katei ka seng ka la pynpaw ka jing sngewdiaw halor ka jingmih ka jingiapher jaitbynriew hapdeng ki kynhun bapher bapher bad ka la kyntu ia kito ki kynhun kiba kwah ban pynlong thma ba ki dei ban kiar na kino kino ki kam sniew jong ki kiba lah ban pynmih ka jingiapait ia pra. Ka la dawa ruh na ka sorkar jong katei ka jylla ba ka dei ban wad noh ia ki lad ki lynti ba pynkut ia katei ka kynrum kynram bad ba ki paidbah kim dei ban shah long langknia ha katei ka jingiakhih.