Diaw ka MPHRC, ba donkti lehnoh ki riew sain pyrthei

Shillong, 5 Naiwieng:
Ka Meghalaya Peoples Human Rights Council (MPHRC), ka kren sngewkhia jur, halor ka jingmih pyrthei, ba ka don ka jingdon kti jong ki riew sain pyrthei bad ki ehrang, ha ka elekshon dorbar Jylla, kaba dang shu dep. “Kaba kum katei ka jingleh, ka long ka jingkhanglad ia ka hok longbriew manbriew, kaba la don ha ki kyndon jong ka United Nations, kaba dei ruh halor ka jingpyniaid elekshon” ong utei u nongialam ka MPHRC.
U Bah Dympep, u ong namarkata, ba ka jingpynlong ia ka elekshon sha ka dorbar Jylla, kam shym long satia kaba beit bad kaba khuid, hynrei, ka dei ka jingpynkhein, ia ka hok jong ki nongthep vote.
Ka MPHRC, ka dawa namarkata, ia ka sorkar Jylla, ba kan shim khia bad tohkit halor katei ka kam, khlem da pyrkhat ia ka kyrdan ba kino kino ki briew, ki don.
Ha ki khyndiat sngi ba ladep, ka la mih ka kaiphod jong ki pulit, ha kaba ki lap, ba ka Deborah Marak, kaba dei ka myntri jong ka tnat Social Welfare, ha kane ka sorkar kaba mynta, ka jop elekshon, da kaba ka pyndonkam da ki kaikhlaw bad katei ka la pynmih ka jingkylli, ba ka Deborah Marak, kan dang lah ne em ban dang iai bteng, ia ka kam jongka kum ka myntri sorkar Jylla, hadien katei ka jinglap jong ki pulit jong ka Williamnagar halor katei ka jingdonkti jongka bad ki kaikhlaw.