Shillong: Ka Khasi Students’ Union (KSU) Sonapyrdi Unit lem bad ki paidbah nongshongshnong ki pynpaw ka jingsngewdiaw ia ka jingbymbiang ka Network Jio bad Vodafone. Kine ki ar tylli ki company kim lah ban ai ka jingshakri kaba pynhun ia u paidbah nongshongshnong.
La saw sngi mynta ym biang shuh ka network na baroh ar tylli kitei ki company. Kumba long mynta don tang ar tylli ki simcard ba pyndonkam ki paidbah, kawei ka Jio bad ka Vodafone. Hynrei kine ruh ki shim kabu namar ba don tang ar tylli ma ki. Ka seng ka kyntu ia kitei ki company ban pynbiang network khnang ban pynsuk ia ia u paidbah khamtam kum ha kine ki por hiran ka jinglong jingman ka pyrthei. Lada kitei ki company ki kwah ban ioh jingshaniah na u paidbah ki dei ban pynbiang network, lym kumta kim don jingmut ban shu pynieng tower khlem treikam, ong ka kyrwoh na u Bah WD Gympad General Secretary KSU Sonapyrdi Unit.
Ka dei kaba ong maphi,nga ruh nga la i ngiah kane ka jio bad ka vodafone hangne ha shnong Pomlahier kam ju don network,nga ba don tang ka jio bad Vodafone,nga la jynjar palat,tang kawei ka khubor ruh ka shimpor da ki kynta ban ap network,ani wow la shu sep ei kai ka pisa ba thep recharge card,kane ka company baroh 2tylli ka bha ba kan duh noh syndon,namar ka myntoi tang malu mala ia ngi kiba bat jio bad Vodafone,katba kiba don pat da ka simcard Airtel ish ki ioh pura ia ka net khlem don jing dkhoh ei ei ruh em,ka biang lut nadong shadong.Ha kine ki sngi te lada lah sangeh ka lock down te ka bha ba cancel noh ia kine ki jio bad Vodafone,ia shim noh da Airtel.