Dep tohkit ia i khyllung 2 bnai

Shillong, 21jylliew:
Ka kynhun tohkit kaba tohkit ia ka jingiap jong iwei i khyllung ba dang ar bnai shiteng ha Sohra ka la dep ban tohkit bad ka la phah ia ka ripod sha ka sorkar jylla , iathuh ki tyllong khubor ka bym shym la iathuh bniah aiu la batai ha katei ka ripod. Lah ban pynkynmaw ba 3 bnai mynshuwa kata ha u lber, 2015 iwei i khyllung kynthei iba dang ar bnai shiteng i la khlad noh hadien katto katne ba i la ioh ia ka injekshon na Community Health Centre, Sohra. Ka injekshon ba la ai ia itei i khyllung ka dei kaba ju ai ia ki khyllung kiba ha katei ka rta kaba la tip kum ka DTP ( Diptheria , Tetanus and Pertussis).
Hadien ka jingiap itei u khyllung ki kmie ki kpa ki la ujor FIR sha ki pulit ha kaba ki la kynnoh ba tang mar ia ioh injekshon hadien kumba shi kynta i khyllung i la nang tlot nang tlot ka bor met bad hadien kumba katto katne kynta ki la khlad noh. Itei i khyllung i dei jong i kong Baiamonlang Laloo bad u bah Wanlambor Kharumnuid kiba dei ki nongshong shnong ka Saitsohpen, Sohra.