Dep phah u CEM, ia ki kyrteng ki EM

Shillong, 18 Jymmang:
U Chief Executive Member (CEM) ka KHA DC u Bah Pynshngain Syiem u la phah ia ki kyrteng jong baroh ki MDC ban long Executive Member ha ka Executive Committee ba thymmai ka People Demicratic Forum (PDF).
U CEM u la phah ia ka kyrteng jongki mynta ka sngi sha u Lat ka jylla ba un ai ia ka jingpdiang ia ki.
Kine ki MDC kiban shimti kum ki EM ki long ka Kong Grace M Khar puri, u Bah James Syl liang, u Bah Hadrian Lyngdoh, Bah Antonio War, Bah Jansing M Tynsong, Bah Lamphrang Blah, Bah Donevan Kharwanlang, Banteidor Lyngdoh katba u Bah Process T Sawkmie un shimti kum u Deputy CEM. Lah ban kdew ba u Bah Pynshngain u la shah jied kum u CEM ba thymmai ha ka sien baar hadien ba ka PDF ka la jop ia ka jingiatynjuh ha kane ka 15 tarik Jymmang ba la dep pyrshah ia ka kynhun seng riewlum ka ARPA kaba la ialam da u Bah Metbah Lyngdoh ka UDP.
 ”Nga ladep phah  ia ki kyrteng jong ki EM mynta ka sngi sha u Lat ban ioh ia ka jingmynjur”, la ong u CEM ka KHADC u bah Pynshngain.