Dem ngon U Modi, ha ki maw kyndon ka Parliament

New Delhi,
20 Jymmang:
Ha shwa ban rung sha Parliament, ha ka sien kaba nyngkong, u myntri rangbahduh, u ban dang bam smai, ula dem ngon ialade ha ki maw kyndon jong ka Parliament, kaba long ka dak jong ka jing niew burom jongu, ia katei ka jaka kaba kyrpang jong ka synshar paidbah. Mar ia poi ha ka khyrdop heh ban rung sha Parliament, la pdiang ia U Modi, da kaba ai syntiew, da ki nongialam jong ka seng BJP bad ha shwa ban rung sha ka kamra heh jong ka Parliament, U Modi, ula dem ngon ialade ha ki maw kyndon lem bad ki kti kiba pyndem baroh ar tylli.
“Nga leit rung ha ka sien kaba nyngkong eh ia ka kamra  jong u myntri rangbah ka Gujarat, haba nga shimti ia ka shuki myntri rangbah bad nga wan hangne ruh ha ka sien kaba nyngkong” ong utei u nongialam uba don 63snem ka rta. U Modi, u ong ruh ba ka Parliament, ka dei ka iing ba kyntang jong ka synshar paidbah.
U Modi, la iohi, ruh ba ha ka por ba u leit ban ai khublei ia U LK Advani, ba u da dem bad nguh na ki kjat jong u.