Shillong:Ka don ka jingsuba jur jong ki pulit, ba U Sohan D Shira, uba dei u nongialam ba heh duh ka GNLA, u don kti dalade hi ban pyniap ia U Jonathone Sangma, kandidet ka seng NCP na Williamnagar, ha ka jingpynbthei da u bom IED, ha Samanda Block jong ka East Garo Hills.
U RG Momin, SP East Garo Hills, u iathuh ba ki pulit, ki la leit beh thong ia utei u heh duh jong ka GNLA, haba ki la ioh jingtip ba U Sohan, u don ha katei ka shnong ha ka miet jong ka Lah Sngi U Blei, hynrei mar shu ioh jingtip, ba ki pulit, ki leit sha katei ka jaka, ki la phet noh na katei ka jaka.
Kat haduh mynta, ym pat don shuh kiba iap na katei ka jingjia bad kitei ki dang shah sumar ha Hospital. Kiba shah sumar na katei ka jingjia, ki don mynta 3ngut.