U nongniah jong ka liengsuin, kaba hap hynnin ka sngi ha ka duriaw bah Java, u dei uba na India, uba kyrteng U Bhavye Suneja, ong ka khubor na ka ophis jong ka sorkar India kaba ha Indonesia.
La iathuh ba U Captain Suneja, u la niah liengsuin la 6,000 kynta bad u nongbud jongu, u dei uba la niah la 5,000 kynta, ong ka kyrwoh jong ka kompeni Lions.
U Captain Suneja, u dei uba shong ba sah ha Jakarta bad u dei uba na New Delhi bad ula ia poi kha bad ka samla kaba na Delhi, ong ka khubor. U Suneja, u trei ha Lion Air, naduh U Lber 2011 bad la iathuh ba u don jingthmu ban wan phai sha Delhi ha shwa jong kane ka lehkmen Diwali, hynrei ula mad noh ia kane ka jingjia ba sniewbok, ha kaba ula khlad noh bad 188ngut kiwei pat ha katei ka jinghap liengsuin ha duriaw hynnin ka sngi.