Dei tang ka Seng Khasi Mawsynram, ong ka HNLC

Shillong, 5 Jylliew:
Dei tang ka seng Khasi Mawsynram, ong ka HNLC, kaba shim ia ka jing kit khia, na ka bynta ban leit rah ia ka dorkhas jong ka seng, ha khmat jong u myntri rangbahduh ka India. Ki don da ki dorjon tylli ki seng bhalang ha kane ka Ri jongngi, hynrei ka dei tang ka Seng Khasi, kaba sngew dei, na ka bynta ban iakren, halor ka lynti ban thung ia u ksiang, na ka bynta ban poi sha ka lynti jong ka jing iakren.
Ka HNLC, ka ong ba u myn tri rangbah ka Jylla, u don ka jingleh bym salia ia ka HNLC, ha kaba ia dei bad ka jingiakren bad u don ia la ka jong ka jingsngew dei, ban pynsngewbha tang ia la ki jong ki briew bad ka HNLC, ka pynsngew ia ki nongialam na Khasi Jaintia, ba kin ia tylli bad ban pynhap noh, ia une u nongialam, uba synshar thombor.
Ka HNLC, kaba la byrngem mynshwa ban ther bom ia ka Secreteriat bad kumjuh ia ka High Court, ka byrngem mynta ba kan ther bom ruh ia ka ophis jong ka Congress, ba kan ther bom ha kane ka kynti bad ka HNLC, ka iathuh ba ka la iaid shakhmat ban thoh sha u myntri rangbahduh bad kumjuh sha u myntri kam poh iing, U Kiren Rijiju, na ka bynta ban iakren iasuk bad ka HNLC. Ka HNLC, ka iathuh ruh ba ka la rai ban thung ia U bah Disparsing Rani, kum u ksiang, na ka bynta ban iakren iasuk hapdeng ka HNLC bad ka sorkar.