Ka jingshah rem jong ka England, ha ka Holland ha ka miet Sngi Palei, ka thew beit beit halor ka jing bym ialehkai bha U John Stones(25)bad ki ar tylli ki bol, kiba rung ha ka jar, ki dei hi baroh ar kiba la bakla da U Stones.
Ki pundit peit phutbol, ki la kynnoh ba kitei ki jing bakla baroh ar tylli, ki dei kiba la mutlop shaba palat da U Stones.
Hynrei la iathuh ba kitei ki jing mutlop jong U Stones, ki dei na ka daw, ba u don ha ka jing kulmar jingmut kaba jur bha bad ka daw, ka long namar ba ula iehnoh ia ka tnga jongu, ka Milie Savage bad ba u leit ia shong pat bad ka tnga thymmai jongu, ka Olivia Neylor.
Katei ka jing ia dei jong u Stones bad ka Olivia, ka ailad ia ki Ri ba ialeh pyrshah, ba kin thad ia ka jingiadei kam shi tnga jongu bad katei lehse, ka la nang pyn kulmar jingmut shuh shuh ia u, ha ka por ialehkai.
U Stones, u ia kynduh bad ka Olivia(30), kaba dei ka nong pynbhabriew met, ha ka por ba ka la armet nawei pat bad U Stones, ula iehnoh ia ka tnga jongu, kaba u ju iaieid naduh ba ki dang ia khynnah bad ba ula ioh ia kawie ka khun kynthei na ka.
Phi don ban ong eiei?