Shillong: U Bah Ardent Miller Basaiawmoit, u Convener jong ka Revolution “iada la ka Ri ” ha ka sngi ba shim jubanlak ban pyniasoh bad ka Revolution iada iala Ri,u la pan ia ka jingkyrshan jong ki paidbah ba kim dei ban artatien bad ai ka jingkyrshan kaba pura ia ka revolution ka ban iakhun bad tur sha khmat na ka bynta ka daw bah jong ki jaitbynriew.
Haba kren ha kane ka sngi u la ong ba kane ka long kum ka jingpynkhreh ia ka jingiakhih kaba heh bad ka ba khlain khnang ba ka sorkar pdeng kan pynurlong ia ki jingdawa ka jaitbynriew.
U bah Ardent u la ong “Ha ka snem 2010 dei ma nga ba la sdang nyngkong ia ka mat Clean politic bad u Arvind Kejriwal u la sdang kham hadien, hynrei mynta u Arvind Kejriwal u la long myntri rangbah 2 sien bad u la wanrah ia ka synshar kaba wat ki bor jong ka sorkar pdeng ruh kim nud ban thom da ka bor ia ka rukom synshar jong u”. U la ong ruh ba ha kane ka jylla ka dang don ka jingartatien ban shaniah ia u, hynrei u kyntu ba ki paidbah nongshong shnong kin ai ka jingshaniah ba pura ia ka revolution, Iada la ka Ri ban ia khun halor ki jingdawa kiba bun jong ka jait bynriew. U la ong ruh ba kane ka sngi ka dei ka sngi ban pynkup bor ban long ki shipai jong ka jaitbynriew.
“Lada ngi ioh ia ka sorkar kaba pyrkhat ia ka jaitbynriew ngin ym long kiba shaniah ha kiwei pat ki bor kiba na bar. Mynta ki don ki ba duk ki ba wat ban bam arsien shisngi ruh ki shem jingeh, hynrei ki don da ki minister kiba ar lai snem shong shuki ki leit ban thied ia ka ing kiba heh kiba rem dor ha sor shillong, hynrei ban ong ia kata ki len” u la ong. U la ong ruh “Lada ngi kwah ban iohi ba katno kine ki briew ba shong ha bor shuki ki bam na u paidbah, ngin wanrah da ka revolution lane ka jingpynkylla kaba pura hangta phin sa iohi ia ka pyut ka syar, ka jing pynkylla khongpang ia ka synshar khadar, pynkylla ia ka jingmut jingpyrkhat bad ba kin ym lah shuh ban burieh shi buhrieh”.
“Mano ba nud ban wad mano ban nud ban kem ia kiba don ha ka bor kiba donkti ha ki kam beain haba ia ka kam tohkit la bat lut da ki briew ba don ha ka bor bad kane ka dei ka daw bah kaba la pyntroin ia ka ri bad ka jaitbynriew”. Ka jingthmu ban wanrah ia ka Revolution, ym ban iohi jingmyntoi ia lade shimet nga la long MLA 10 snem bad nga rem tang 67 Vote; lada nga lah ban pynleit jingmut ngan wan biang hi ha ka bor, hynrei ka kynhun Revolution ka dei ka jingialeh ban wanrah ia ka jingmyntoi ia ka Ri bad ka jait bynriew.
Halor u pud u sam ngi iohsngew ia ka jingshah leh bein jong ki briew jong ngi, lada ka tei ka Assam ka sorkar ka ong ban pynsangeh, hynrei lada tei ka Meghalaya ka wan ka Assam, ka pynsangeh wut wut bad kaei pat ba ngin ia kren.
Kane ka revolution ka dei ruh ban pynrung ia ka mynsiem jong ka jingtrei shitom bad ka mynsiem ban ia ieid hapdeng jong ngi ka jait bynriew, kaba la ioh ia ka mynsiem ban kyntiew ha kaba ia dei bad ka ioh ka kot. Ngin pynsngewthuh ia ki dorbar shong ba kat lum ka article 371, ka la kren shai ba ia ki dorbar shnong kin trei kam kumba ju long ha ki por mynshuwa, ka jingdonkam ban pynkup bor ia ka shong ka thaw kane ka revolution ka la don ia ka jinglam lynti kaba shai bad ka jingiohi jngai ban ia lam ia ka jait bynriew jong ka Ri.
Lada ka revolution I bah Arden ka long naka bynta ban iada iaka jaitbynriew ngi long bakloi ban ai jingkyrshan pura, hynrei ym ban pynlong diengduh politics jongno re,ioh ynda ki la jop election kin shu sngap jar kum kiwei ki seinbhalang product ne ki surrender balah long minister mynta hynrei kiba iohthiah ha ka shuki.lada ka long kumne ka jaitbynriew jong ngi kam poi shaei shaei ruh hynrei kan shu kut beit tang ha ki jingshah pynthame,hynrei wat la katta ngi don ka jingkyrmen ba skhem ba i bah Arden in bat iaki kular ieit jaitbynriew, khnang ba kiwei ruh kin bud nuksa ban iada laka Ri.