Shillong,16 Iaiong:
Ka Kynhun ialap jingshongsuk shong shngain ka ‘North East Student Volunteers,Jorhat ka la kam ba ha ka jingiaid jong ka kylleng kylleng ki jaka ban ialap shaphang ka jingdon kam ka jingshong suk shongshngian ka la shem ba bun na ki paidbah ki la iathuh ba ka daw ka jigbym biang ka shong suk shongsain ha kine ki jylla ka thain shatei Lam Mihngi ka dei na ka daw jong ki nongsain pyrthei, “Kaei ka sur kaba ngi ioh na ki paidbah ka long ba ka daw ka jingbym don ka shongsuk shongsain ka dei na ki riew sain pyrthei” ong u Rev.Dr.Woba James.
U Dr.James uwei na ki nongialam katei ka kynhun uba dei ruh u Lecturer jong ka Theological of Christianity,Jorhat uba long ruh u Head Department ka Theology of Christianity, u la iathuh ba la sdang ia kane ka jingialap naduh ka 14 tarik u iaiong bad ki la thmu ban pynkut haduh ka 22 tarik kaba mut ba kin iaid kylleng ka thain shatei Lam Mihngi kumba 9 sngi eiei.
Haba kren sha ki nongthoh khubor u Dr.James u la ong ba ba ha ka jingpyrshang jong ki ban pynsngewthuh ia ki ba bun ngut ki briew lyngba ka jingialap jingsuk kaba ki la iaid sha baroh kylleng ki thain shatei Lam Mihngi lyngba ki thuk-thuk(bike) ki la ieng ha manla ki jaka ba ki jaka ba ki kynduh briew ban pynsngew ia kane ka jingthmu jong ki, bad ki la pyrshang ban pynsngewthuh ia ki briew ia ka jingdonkam ka jingiashongsuk, bad ha katei ka jingpyrshang jong ki ka jubab kyllum ba ki la ioh na ki paidbah ka dei ba ki la kynnoh ia ki nongsain pyrthei kum kiwei na kiba la donkti ban pynduh jingsuk ha ka thain.
Ha katei ka jingpyrshang jong ki ban ialap jingsuk ka kynhun u Dr.James ka la iathuh ba ki la tur ruh wat shaduh ki ktem jong ki seng lehnoh jong ka Assam Manipur bad Nagaland, ha kaba ka jubab ba ki la ioh na ki seng lehnoh ka long ba ki kwah ban ioh ia ka jingshongsuk , bad u la ong pat ba haba la kylli ia ka daw ba ki rah da ki atiar u la ong ba ki la jubab ba ka dei ka hok longbriew man briew jong ki ban ia khun na bynta ka jingshong suk.
U la kren shai ruh ba ka jingleit lynti kaba jngai jong ki lyngba ki thuk thuk kim shym la pynlut wat shi naia ruh, naba ia ka bam ka dih jong ki la pynbit pynbiang da ki paralok , ki longing ba sngewsynei, katba ia ki bai Petrol bad Diesel pat la pynbit pynbiang da ki nongleh isynei ia ki. ‘Ngim pynlut tang shipiah ruh nalade’ ong u Dr.Woba.
Katei ka kynhun ka la kren ruh shaphang ka jingiapeit shilliang khmat kaba ki briew ha ka Ri ki la peit ia ki briew ka thain shatei Lam Mihngi, u Dr.James u la pynrem jur halor katei ka jingleh ki briew ban sha Ri thor ia lki riewlum , haba jubab ia kane u la ong ba ki riewlum kim dei ban bud ia ka nuksa jong ki hynrei ki dei ban burom ban ym ia thew bad dei ban peit beit ban wanrah ia ka jingsuk. U la ong ruh ba shen ka kynhun jong u kan pyrshang ban tur sha kito ki jaka ba jur ka jingpyntriem ki lehnoh kum sha Garo Hills ba kiwei ki jaka. U la ong ba toi ha ka jingshisha ka kynhun ka don ka jingthmu ban leh ka tei ka prokram shisien shisnem hynrei kan peit pat ioh don kano kano ka jaka ba donkam ba kin tur wat hapdeng ka samoi treikam jong ki.
Phi don ban ong eiei?