Shillong: Hadien ba la saphriang, ki dur ia ka jingjulor ka jingkieng kaba don ha surok Mawlai Bye-Pass; ka KSU Mawlai Circle, ha ka 17 tarik Jymmang 2022, ka seng ka la leit ban jurip bad ka la shem ba dei ka jingtrei torti jong u Contractor kaba pynlong ïa katei ka jingkieng ba kan ngam bad buh jingma ïa ki paidbah uba pyndonkam ïa katei ka Surok.
Ka KSU Mawlai Circle, hadien ka jingjurip bad ka jinglap ïa ka jinglong jingman, katei ka jingkieng ka dawa ïa ka tnad badei peit ba kan shimkhia bad maramot mardor ïa kane ka jingkieng bad ha kajuh ka Seng ka kyntu ruh ba naka liang ka PWD kadei ban shna noh ïa ki nala ha ki rud surok ( Side Drain ) khnang ba ka um kan ïoh tuid laitluid ban kan ym leit khlong ne pyn julor la ka dei ïaka surok ne ïa ki jingkieng kiba don ha katei ka surok, pynkut ka kyrwoh na u Samla Rapborlang Nongrum General Secretary KSU Mawlai Circle.
Kum ban shu pynkynmaw ïa kane ka jingkieng la wan ban plie da u Myntri Rangbah jong ka Jylla u Conrad K.Sangma ha u bnai Nailar 2019, bad kaba pynlyngngoh ïa u babun balang haba tang 3snem kam pat kot, hynrei ka la da jot noh kumne. Kumba u Symbud Myntri Rangbah u Bah Prestone Tynsong u ong ba ka jingdon jong kane ka lynti kan pyllait ïaka jingdheng ha u surok National Highway bad ka la long shisha hi ruh ka jing ïarap ïaki nongleit nongwan ba kin poi kloi sha ki jaka ba ki thmu ban leit, hynrei lyngba ka jingsniew noh kane ka jingkieng kan wanrah biang ka jingeh ïa ki paidbah kiba ju pyndonkam ïa kane ka lynti thymmai.
Shwa bn sdang ka kam ki engeenering section ki LA dawa ia ka percentage kaba LA pynlong ia ki contractor bn trei kumne bad ruh lehse ki engeener ki expert ha ka theory hynrei practically ym don idea
Kali ym pat shah bha ba kin iaid la jot noh te aiu ngin ia kren pat