Dei ka jing pyni khlemrain, ia la ka dohmet, ba u sa sympat U Blei, da ka coronavirus

U heh ki Muslim ha Pakistan, ula kynthoh mynta ka sngi, ba ka jingpang coronavirus, ka dei ka jingsympat jong U Blei ia ka pyrthei, namar ba ki briew ki la leh khlemrain ia la ka jong ka met ka phad.

U Maulana Jamil, u dei u nong ialam niam, uba pawnam bha ha Pakistan bad utei ula kren ha ka prokram bad U Imran Khan, myntri rangbahduh ka Pakistan, da kaba u ong “Ka jing pyni khlemrain ia la ka dohmet bad ka jingiaid khusbi, ka dei ka jingtim jong U Blei, lyngba ka khlam coronavirus.”

“Mano ba hikai ia ki khun kynthei jong ka ri, ba kin ia shad bad ki sopti kiba tang ha lbong. U Allah, ula khie bitar na kane ka jing ia leh khlem rain bad iaid lymbuit ha ka imlang sahlang” ula ong.

Ka jingkren jong utei u nongialam niam Muslim, ka la pynmih ia ka jing btiar jong kiba bun ki kynthei ha katei ka Ri, ha kaba ka Maleeka Bokhari, kaba dei ka Parliamentary Secretary ka tnat ain, ka la kynthoh, da kaba ong ba katei ka jingpang, kam dei na ka jingleh thawlad ne iaid lyngkar ki kynthei.