Dei ka Congress kaba thaw ain ia u Aadhar, ong u Kohli

Shillong, 4 Iaiong:
Ka BJP ka la ong ba dei ka sorkar Congress kaba la wanrah ia ka Bill Aadhar ha Parliament, hynrei kaba lyngngoh balei ki ar tylli ki jylla ba synshar ka Congress, kata ka Meghalaya bad ka Assam, ka jingpyntreikam ia u Aadhar ka long kaba rit tam.
Ka jingbym shim khia kine ki sorkar, ka pyni ba kim patiaw ia kiba duk ha ka jylla ban ai ia ki jingiarap ia ki paidbah.
U u nongialam ka BJP ba peit ia ka Megha laya u Nalin Kohli u la pynpaw ia ka jingsngew lyngngoh ban iohi ba ka jylla Meghalaya bad ka Assam ki dei ki jylla ba duna tam haba khein ia ka jingpyndonkam ia u Aadhar ha kane ka thain mihngi.
Ka Meghalaya ka dep pynrung tang 3.2%  katba ka 2.8%,”  la ong une u heh nongialam BJP .
U la ong ba ka Congress ha Assam ka la synshar haduh 15 snem katba ha Meghalaya ka la synshar 10 snem.
U la ong ba ka sorkar BJP kaba ialam ia ka sorkar ha Delhi ka shu pynbha ia ka jingtreikam ia u Aadhar kaba la wanrah da ka Congress. “U Mukul Sangma bad u Tarun Gogoi ki iakren ia ka roi ka par hynrei kim patiaw ia kiba duk ba jynjar”, u la ong.
U la ong ba u Aadhar card, um dei ban shim ne pynshisha ia ka jinglong nongshong shnong ki briew hynrei ban pynioh jingiarap ba ka sorkar pdeng ka la ai sha ki briew lyngba ki account jongki.
Halor ka jingkam ba u number Aadhar u dei ban ailad ia ki briew ban wan rung bad kam nongshong shnong, u Kohli u la ong ba u heh ka BJP u la ong ba ka Congress ka thmu ban ialam bakla ia ki paidbah tang ban ioh vote.
U la ong ba dei ki sorkar Congress kiba ailad ia ka jingwang rung ki briew nabar tang ban ioh vote ha kane ka thain shatei lammihngi ka India bad kane ka la ktah ia ki trai shnong ka thain.
“Balei kine ki jylla kiba synshar ka Congress ki don shibun bah ki briew ba shu wan rung sha kane ka thain, balei ka sorkar kam shym la khang lad ia kane ka jingwan rung ki briew nabar”, u la ther ia ka sorkar Congress.