Dei ban pyntreikam ia ka NRC ha kylleng ka India, ong U Himanta

Guwahati:Ka jing pynrung kyrteng ba la tip kum ka National Register Citizen (NRC) ha baroh kawei ka ri india ka dei kawei na ka jing donkam bha jong kane ka por bad ka kynta, la iathuh u myntri rangbah jong ka jylla Assam u Hi manta Biswa Sharma.

U Myntri Rang bah jong ka jylla As sam, u la kren ia kane haba ai ka jing iaroh ia ka mat treikam jong ka parti BJP, na bynta ka elek shon sha ka ïingdorbar thawaiñ jong ka jylla Karnataka.

Ka parti BJP, ha ka mat treikam ka jong ka, ka la buh ban pyntreikam ia ka NRC ha ka jylla Karnataka.
U Myntri Rangbah jong ka jylla Assam, u la ong ba ka jingpynrung kyrteng ba la tip kum ka NRC, kam dei satia ban kut noh tang ha kawei ka jylla.

Hynrei ia ka NRC hi dei ban pyntreikam pura ha baroh ki bynta jong ka ri la ong u Himanta Biswa Sharma.
U Myntri Rangbah jong ka jylla Assam, u la kren ia ka jing donkam ban pyntreikam noh ia ka aiñ uniform civil code (UCC).
“Ka jing pyntreikam ia ka ain UCC kan pyntikna ia ka hok ba iaryngkat hapdeng ki kynthei ne shynrang bad ka hok ba iaryngkat hapdeng ki longkmie Muslim, la iathuh u Himanta Biswa Sharma.

U Myntri Rangbah jong ka Assam, u la ban shuh ruh ba ka BJP Karnataka ka la leh ia kaba dei bad kaba hap ruh ban dawa ba dei ban budlem ha kylleng ki bynta jong ka ri na bynta ban pyntreikam ia kane ka ain UCC.
Ka BJP ka la buh ia artylli ki mat ha ka jutang elekshon ka jong ka bad kine ki long ban pyntreikam pura ia ka National Register Citizen ( NRC) bad ka aiñ uniform civil code (UCC).