Dei ban kynjat noh ïa ki mishoneri napoh India, ong U Sinha

New Delhi:U dkhot jong ka Ïing Dorbar Thawaiñ ka r

i, u kwah ban kynjat ïa baroh ki nongïalap ki niam Khristan ne ki Christian missionary shabar jong ka ri India.

Katkum u Rakesh Sinha, uba dei u MP jong ka Bharatiya Janata Party (BJP), ka Hindu nationalist party jong u Myntri Rangbah duh u Narendra Modi, u la ïathuh ba ka niam ka la pynjot ïa ka kolshor jong ki riewlum Adivasis bad la shim kabu ïa ka hok jong ka jinglailuid ka jingngeit ne ka hok ban jied ïa ka niam (right religious freedom).

Utei u MP u la ong ïa katei ha ka interview ba dangshen bad ka kotkhubor Dainik Jagran, da kaba ban ba ki nongïalap Khristan ki dei ban iehnoh ïa ka kam ïalap jong ki hapoh ri India.

“Kaei kaba u Rakesh Sinha u la ong ka long ka bym shongnia,” kynthoh u Fr. Babu Joseph, u ba long u nongai ktien barim ka Indian Bishops’ Conference. “Dei ban pynshitom katkum ki kyndon aiñ halor ki jingkren jong u. Da kane ka lynti u la pynlehraiñ ïa kiba bun ki nongshong shnong kiba don ïa manla ki hok ba la ai da ka riti synshar ka ri, ban phla ïa ka niam ba ki la jied,” u la bynrap.

U Msgr. Joseph u la ïada ïa ki kam ba ki mishonari ki la leh bad ki trai ri trai muluk ki riewlum: “Ki riewlum jong ka ri India ki la im ka jingim kaba jynjar da ki spah snem. Ki mishonari ki la ïarap ïa ki ban kyntiew ïa ki jinglong jingman jong ki lyngba ka pule puthi bad ka Koit ka Khiah. Namar kata balei u Sinha u jied ban kren halor ki Khristan?”
Katba u Sajan K. George, president jong ka Global Council of Indian Christians (Gcic), u la kdew halor ka jingma ïa ki jingkren u Sinha: “Haba phai ha u snem 2018, u la thoh pyrshah ïa ki mishonari Khristan ha ka tweeter, da kaba khot ba ki dei ki dienjat jong ka jingkurup jaka ne ‘vestiges of colonialism’ bad u pynrem jur ïa ka jingpynkylla niam.
Ha kawei ka liang katkum ka jingkheiñ na ka khanasamari kaba dangshen jong ka sorkar, ka jingdon ki riewngeit Khristan ha India ka sah kumjuh khlem don jingkylla: na ka 2.34% ha u snem 1991 sha ka 2.30% ha u snem 2011. Ha Kerala, ha u snem 2020, kadei ka niam Hindu kaba la ïoh bun kiba ngeit kaba la poi kumba 47% jong ka jingbun ka jingpynkylla niam. Na ka 506 ngut kiba la kylla, 241 ngut kidei ki Khristan lane Muslim kiba la pynïasoh sha ka niam Hindu, katba 144 ngut ki briew ki la kylla long Muslim bad 119 ngut kiba la kylla long Khristan.