Shillong: U bah Ernest Mawrie, President jong ka seng BJP ha ka Jylla, u iathuh ba ka jingialang jong ka seng, kaba long mynta ka sngi, ka iakren halor ka ain pule puthi ba thymmai jong ka sorkar India, lane ka National Education Policy (NEP 2020).
Ha ka jingialang, la rai skhem ban dawa ba ka ktien Khasi bad ka ktien Garo, ki dei ban long ki sobjek kiba ha khmat duh lane ki Compulsory subjek ia ki samla pule ha baroh kawei ka Jylla. La kren shai ba baroh ki skul, lada ki dei ki skul jong ki riew shimet lane ki skul niam, lane ki skul sorkar, ki dei ban hap baroh ha ka ain jong ka National Education Policy (NEP 2020) bad ba ki dei ban shim ia ka ktien trai shnong, kumta kawei na ki sobjek ha ka jingpule jongki. U bah Mawrie, ula kren shai, ba un sa thoh sha U Conrad Sangma, myntri rangbah ka Jylla bad U Ma Lakmen Rymbui, myntri pule puthi halor kane ka bynta.
U bah Mawrie, u dawa ruh ba ka sorkar Jylla, ka dei ban pyntrei kam noh kloi kloi ia kane ka ain pule puthi ka sorkar India.
Ka dei ka jingdawa ba donkam eh bad kadei kane kawei ka phang kaba hakhmat eh ba ka sorkar ka dei ban Leh. kadei ka mat.lym kumta Ka jylla Jong ngi Kan Da pait arliang.