Shillong, 19 Jymmang:
Ka JACATAM ka la kyntu ia u director ka DSEL ba ka sorkar ka dei ban buh dor ia ka bai skul jong ki khynnah ha kito ki skul ba la siew tulop da ka sorkar.
Haba iakren hynne ka sngi, na ka liang u Publicity secretary ka JACATAM, u Babu Kular Khongjirem u la ong ba ki nonghikai ki la rah ia kane ka mat hakhmat u director ha ka jingiakren hynne ka sngi.
Katkum ka jingong u Babu Khongjirem ka dor jong ki skul ka iapher na kawei sha kawei pat bad kam long ryntih bad kane ka donkam ia ka tnad pule puthi ka jylla ba kan shim khia ban pynbeit ia ka rukom siew ia ka bai skul ne kiwei de.
“Bun ki skul kiba la siew tulop ki buh dor hi la kajong kajong bad kane kam long ryntih bad donkam buh da ka dor kaba ryntih”, u la ong.
Ha kajuh ka por, u la ong ba ka JACATAM ka la pynsngew ruh ba u dei siew tulop noh ka sorkar ia ki nonghikai ha ka sobjek computer bad sobjek environmental studies namar ba watla kine ki don ha ka syllabus hynrei ia ka tulop la khrong na ki khynnah skul namar ba ka sorkar kam shym la siew tulop.
Phi don ban ong eiei?