Shillong:Ka jingwan kai ki briew nabar sha ka jylla ka la sdang wan dur biang hadien ba ka la don ka jingartatien ha kine ki sngi na ka jingmih kynsan ka seng Hynniewtrep National Youth Front (HNYF) dang shen ban bat ia ki kali ha Umtyngar.
Ha ka jingiakren bad ka seng ki nongpyniaid iaki nongwankai, ka Tour Operators Association Meghalaya, kila ong ba ha kato ka sngi ba shah khang ki kali, ka jingduh nong ka la ktah haduh kumba 30 percent eiei ia ki nongbuh dukan, ki nongbuh iing basa bad kiwei ki nongpyniaid ia ki jaka jngohkai.
Kila aiti ruh ia ka shithi ha u myntri ka tnad jngohkai ban shim khia ba ka kam jngohkai kan ym ktah ha kane ka jylla.
Ha kajuh ka por, kila pynpaw ia ka jingsngew khia ia ka jingshah ktah ki kali kamai na kane ka jylla na ka jingwan kiba nabar, hynrei ki don shibun ki daw kiba syrdoh halor kane. U bah Banlum Blah ula iathuh ba hap ban wad ia ki daw bad kumno ban pynbeit balei ki nongwankai ki shim da ki kali na Assam, bad kyntait ia ki kali na Meghalaya watla kila don shibun kiba kamai tourist. U la ong ba kan bha lada pynbeit ia kane ka kam hapdeng ka seng kamai kali na Assam bad kumjuh na Meghalaya.
Kila ai jingmut ba khnang ban lait na ki riew shim kabu ia ki nongwai, kan bha lada ka sorkar jylla kan don ka rukom pyniaid kaba beit kumba long ha jylla Sikkim, khnang ba ki nongwankai kim lait na ka jingeh. Ki la ong ba kum ki nongpyniaid ia ki kam jngohkai, ki kwah hi ban shim ia ki kali kamai kiba dei na kane ka jylla ban leit pynkrih ia ki nongwankai.
Kila pynpaw ruh ia ka jingsngew khia ba kam long kaba bha ban shu khang ia ki kali ban wan nabar, hynrei dei ban shim da kiwei ki lad ki lynti.
Ka Sorkar Sikkim ka ialeh ban kyntiew ia ki Kali tourists kiba na ka jylla Sikkim. Nga lah iohi da la ki khmat ha ka por ba nga don ha ka jylla Sikkim ryngkat bad ki paralok jongnga kiba na ka jylla Sikkim. Ka sorkar Sikkim ka ieid ia la ki jaitbynriew. Meghalaya…..?