Shillong:Ka jingkren u bah Ardent Miller Basaiawmoit ba ka jingpynjlan ia ka samoi MDC ka KHADC bad JHADC, ka long kum ka dawai ba la kut por ne expired date, ka la pynmong ia ki MDC ba mynta.
Haba jubab mynta ka sngi, halor kane, u bah Ardent u la ong ba ka jingkren jong u ia kane ka ktien khamtam ia ka Executive Committee kiba shim ia ka kabu ban pynjlan ia ka samoi jinglong MDC, ka syriem kum ki mar ki mata kiba la kut por. U la ong, ‘Lehse ba kane ka ktien ka la dung ka la tynrah ia kita kiba bat ia ka bor bad ki sa sdang ban kynnoh ia u bah Ardent, hynrei ki paidbah ki tip ia ka nongrim jong nga bad ngi tip ia ka ain, ia kaei kaba dei ban leh”.
U la ong ba ka jingkynthah ia u ba u iehnoh ia ka kam MDC, kam don jingsnoh satia namar ba naduh nyngkong um sngew tynnad ban bat ar maloi bad u la kyntait la ar sien ban iakhun MDC na Nongkrem wat la ki paidbah ki la pynbor ia u, hynrei dei ha u 2014 ba ula pyndem ha ka mon jong u paidbah ban iakhun MDC wat ha ka jingshisha um kwah ban iakhun ban bat ar maloi.
Dei na kane ka daw, ba ha kato ka por, ula iehnoh ia ka jinglong MDC namar ba um pdiang ia ka nongrim ban bam ar maloi. U la ong ba la dei ban ailad lang ia ki samla ban mih shakhmat namar ba ka synshar paidbah kam dei ka nongkynti jongno Jongno, hynrei ka dei jong u paidbah bad ka VPP ka kwah ban sei ia ki nongialam.
pynieng ia uno2 ruh ngi sngewthuh bha ma ngi bad ngin kyrshan hi tang ia u prah..u paidbah mynta u lah iohi lut ka rukom treikam ka NPP-UDP-HSPDP-BJP..32 naki 36 u prah u dei ban rah lut biang haka election MDC bad donbok kan ioh majority syndon..Hangta ngin iohi ka jingkylla..No more crony capitalism/,extortion only fair play.