Dawa weng section 144 U Bah Pynshai sha Mylliem

Shillong,3 Naiwieng:
U MLA barim ka Mylliem Konstitwensi u Bah Pynshai M Syiem u la aphah da ka shithi sha u Deputy Commissioner DC ka East Khasi Hills halor ka jingpynjari kaba kynsan kynsan ia ka ain section 144 kaba khang ban tih shyiap , khlong shyiap bad ban tih maw. u bah Pynshai u la ong baktei ka ain kan ktah ia ki longing kiba duk kiba na ka thain Mylliem, Laitkroh, Umtyngar. U Bah Pynshai u la ong ba kane ka jingpynjari kana kynsan kynsan khlem da khot ia mir jingmut shuwa bad ki trai lane ki nongbylla ha ki par shyiap bad par maw kan wanrah ia ka jingbym ia sngewthuh jingmut hapdeng ki paidbah bada ka sorkar. Ha ka shithi sha u DC u MLA barim ka Mylliem u la kyrpad ia u DC ba un weng noh shuwa ia katei ka ain section 144 bad ban ia amir jingmut shuwa bad ki paidbah na ki thain Mylliem khnang ba u duk u suk un ym iap thngan bad u la ong ba ka jingiamir jingmut da kaba ia hunlang kan ym wanrah ingeh ia u paidbah uba bylla sngi ha kiba kum kine ki jaka tih shyiap.