Dawa weng kam ka Seng Samla ia 3 ngut ki doktor ba ot sher

Shillong, 5 Naiwieng:
Ka Seng Samla Shnong Shilliang Umkhen (SSSSU) ka la daw weng kam pyrshah ia lai ngut ki doktor jong ka North Eastern Indira Gandhi Regional Institute of Health and Medical Sciences (NEIGRIHMS) kiba kynnoh ba ot shet (ot ia jinglong shynrang) ia 13 ngut ki khynnah shynrang kaba long beain bad pyrshah ia ka hok longbriew.
Ki lain gut ki doktor ba shah kynnoh ban ot sher ia ki 13 ngut ki khynnah jong ka Meherbaan Orphanage ki long Dr Habib Md. Reazul Karim (Urologist), Dr Syed Wasim Hassan (Anaesthetist) bad Dr Mhd Yunus (Aneasthetist).
Ha ka shithi sha u myntri ka koit ka khiah ka sorkar India, u president ka SSSSU Bah JJM Wallang, u la ong, “ngi dawa ba ki bor ba dei peit ba kin pynshitom ia ki doktor bad ban pynduh kam da kaba pynkut noh ia ka license kum ki doktor”.
Ka shithi ka la ong ba hapdeng u Nailur 30 tarik haduh 6 tarik Risaw, 13 ngut ki khynnah ba sah ha Meherbaan Orphanage, Shillong ki la shah ot sher ia ka jinglong shynrang jongki khlem kano kano ka jingtip bad ka jingmynjur ki kmie ki kpa kiba sah ha ki shnong ba jngai.
Ki 13 ngut ki khynnah la wanrah ha katei ka jaka sah khunswet ki la shah ot kumtei khlem kano kano ka jingmynjur.
Ka SSSSU ka la ong ba ka jingpyndonkam ia katei ka jaka sumar kaba pawnam ha kane ka bynta kum ka jingleh niam, khlem ka jingmynjur jongki, ka long kaba dei ban buh jingkylli, beain bad bym shongnia”.
Ka SSSSU ka la dawa ba dei ban pynshitom ia ki doktor ba donkti ha kane ka kam bad dawa ba dei ban pynshitom ia ki bor jong ka NEIGRIHMS kaba la shah ban leh ia kane ka kam.