Dawa tulop MCCL U MLA Sohra na u MR

Shillong, 09 Nohprah:
U MLA ka Sohra u Bah TW Chyne ha kane ka sngi Hatmajai u la iakynduh ia u Myntri Rangbah ka jylla u Mukul Sangma ban dawa pynlait noh ia ka tulop ba 10 bnai jong ki nongtrei ka MCCL, Sohra.
Ha kane ka jing iakynduh, u MLA ka Sohra u la kyntu ia u Myntri Rangbah ban pynsted noh ia ka kam ka jam khnang ba ka kar khana thymmai jong ka MCCL kan treikam khnang ba ki nongtrei kin nym iakynduh jingeh ha ka jingbym ioh tulop la bun bnai.Halor kane ka jingiakren u MLA ka Sohra, na ka liang u Myntri Rangbah ka jylla u la kular ba un khot ia ka jingialang shen halor kane ka kam khnang ban iakren ban wad ia ki lad ki lynti ban pynkhuid noh ia ki jingeh kiba don ha kane ka karkhana, la ong u MLA ka Sohra haba iakren bad u nongthoh khubor.
Lah ban kdew ba ki nongtrei ka MCCL ki khlem ioh tulop la 10 bnai eiei haduh mynta naduh ba ka karkhana barim ka la sangeh treikam.Ha u bnai ba la dep, ki la iakynduh ruh ia u Managing director ka MCCL u Sanjay Goyal ba un leh eiei ban pynlait noh ia ka tulop jongki.Katkum ka jingtip na ka liang ka bor pyniaid jong ka MCCL ka la shu pynlait pisa khyndiat sha ki nongtrei tang kum ki bai mit mit ba kin ioh ban pyndonkam kyrkieh.