Dawa tuklar ka CPI na U DC ba kiew dor

Shillong, 17 Nailar:
Ka Communist Party of India (CPI) Meghalaya ka la dawa na u Deputy Commisioner ka East Khasi Hills ba un tuklar halor ka jingkiew dor ki marbam mardih ha ka jylla kaba la ktah jur ia u luk u lak.
Ka CPI ka la kynta ia u DC ba un shim khia ia kane ka kam kaba ban jur ia ka jingkhia jong u paidbah khamtam ki paidbah baduk.
Ha ka dorkhas sha u DC, u  Samudra Gupta u secretary  ka CPI u la ong ba ki nongtrei bylla ki shah ktah jur na ka jingkiew ka dor ki mar bam mar dih bad ka sorkar ka dei ban pynkiew noh ia ka bai bylla sngi.
Ki marbam mardih ki la kiew dor bha bad kane ka la buh jingeh ia ki briew ba duk, la ong u Gupta.
“Ngi kyntu ia u DC ban shim khia ia kane ka kam ban iakren bad ka sorkar jylla da kaba buh ia ki nongpeit halor kane ka bynta khnang ban pynsuk ia ki nongthied haba don kano kano ka jingeh” u la ong.