Shillong: Namar ka jingslem ka skul bah North Eastern Hill University, ban pynmih ia ka Result jong ka Semester kaba 6 jong ki samla pule, kiba pule ha ki College bapher bapher ha kane ka jylla ba la ithuh ruh da ka NEHU.
Myn hynnin ka sngi, ki nongialam jong ka seng ki samla pule jong kane ka skulbah kiba hapoh ka shatri North Eastern Hill University Students Union, ki la leit iakynduh ia u Controller of Exam jong ka skulbah NEHU ban dawa na u, ban pynkloi noh ha kaba pynmih ia kane ka result, khnang ba kan ym ktah ka jingpule jong ki Samla, kiba kwah ban bteng pat ia ki jingpule jongki sha kiwei pat ki skulbah kiba don sha kiwei pat ki jylla jong ka Ri. Kine ki nongialam jong ka NEHUSU, ki la ai por shi taiew ia kane ka skulbah NEHU ban pynmih ia ka Result, lem kumta kane ka seng kam banse ban pynlong da ka jingiakhih, katkum ka hok ha kane ka ri synshar paidbah.
Ki 3rd year annual ruh kim pynmih.last year taiew ba nyngkong jong u july la pynmih hynrei mynta pat shaei pat lah klet thary.