Dawa Residential School ha Khliehrangnah

 Shillong, 10 Jylliew:
Ka FKJGP-Laskein circle mynta ka sngi ka la leit ban ai ia ka kai phod sha u Symbud Myn tri Rangbah ka jylla uba peit ia ka tnad pule puthi u bah RC Laloo ban dawa ba ka sorkar jylla ban pynsted ia ka jingtrei ia ka Residential School ha Khliehrangnah ha shnong Shangpung ba hap hapoh ka Laskein block ha West Jaintia hills district khnang ba ki padibah katei ka shnong kin ioh jingmyntoi.
 ”Ngi kyntu ia ka sorkar ba kan pynsted ia ka jingtei ia ka residential school na ka bynta ban kyntiew ia ka jingpule ha kane ka thain,” la ong u President ka FKJGP-LC u bah Treiminot Suchiang.
U la ong ba ki la dawa ia kane ka residential school namar ba ka Dorbar Shnong ka Khliehrangnah ka la ai jaka haduh 20 akar.
“Kane ka jaka la aiti sha u District School Education Officer ka West Jaintia Hills District ha u bnai Lber 2015,” la ong u bah Suchiang.
U la ong ba ka ophis jong u Chief Engineer PWD (B) ha u 25 tarik  Lber, u la khot tender na bynta ban shna ia ka residential school ha Laskein block ha Shangpung Khliehrangnah.
U bah Suchiang u la  ong ba ka jingbuh ia ka residential school kan long ka jingmyntoi na bynta u paidbah  ka shnong Shangpung bad Laskein Block.