Dawa pyntreikam ia ka ain shongkha

Shillong, 04 Risaw:
U Bah Michael N Syiem ka Maitshaphrang Movement, u la thoh shi-thi sha u Myntri Rangbah ka jylla u Dr Mukul Sang-ma ba u dei ban pynmih ia ka jingbthah sha baroh ki bor sorkar mardor ban pynthikna ba ka ain shongkha shongman ne ka Compulsory of Marriage Act kan treikam kumba la pdiang da ka iing dorbar thawain ka jylla.
Ha ka shithi ba la phah sha u Myntri Rang-bah hynne ka sngi, u Bah Syiem u la ong ba ia kane ka dei ban pyntreikam noh ha baroh ki jingiadei bad ka sorkar ha ka jylla.
U la ong ba ka iing dorbar ka la dep pdiang ia kane ka ain bad ka la pynmih ruh ia ka jingpynbna hynrei wat hadien shi snem ba la thaw ia ki kyndon, ka Syrnod Shongkha kam pat treikam pura ha baroh ki kam ki jam haka jingiadei bad ka sorkar. “La kyrpad jur ia ka sorkar ba kan pynmih ia ka jingbthah ba kane ka ain kan treikam ha baroh ki jingiadei badka sorkar”, la ong u Bah Syiem.