Shillong, 18 Nailar: U MLA ka Mylliem u Bah Ronnie V Lyngdoh u la dawa ba ka sorkar ka dei ban buh noh da ka Police Outpost ha ka thain Upper[bteng sla 7] Shillong ban tem ia ka jingkynrei jong ki kam sniew kaba la pynsuhjer ia ki paidbah khamtam ia ki kynthei khynnah. Mynta ka sngi u Bah Ronie u la ong ba la iakynduh ia ka myntri ban dawa ba ka sorkar ka dei ban pyrkhat noh ban buh da ka Police Outpost ha ka thain Upper Shillong, shi bynta ban khang lad ban tem ia ki kam sniew.
“Ngi la sngew khia jur ia ka jingjia ha kaba kawei ka samla ka la shah pyniap ka samla ha Umlyngka, bad kiwei ki kam sniew. Ngi la kyntu ban pynsted ia ka jingtohkit ban kem noh mardor ia ki briew ba donkti ban pyniap dusmon”, la ong u Bah Ronie.
U la ong lada ka sorkar kam pynsted ban kem ia ki runar, ka long kumba pynshlur pynban ia ki riew runar ban leh ia ki kam sniew.
U MLA ka Mylliem u la ong ba un sa lum ia ka jingialang paidbah ha ka thain ban iakren ban beh krad noh ia ki kam sniew baroh.
Ha kawei ka liang, la iathuh ba ia ka post mortem jong ka samla Wandarihun Mawlong kaba suba ba shah pyniap ha Umaiam, la phah sha ki pulit.
Haba iakren bad u SP ka East Khasi Hills u Bah Mariahom Kharkrang u la ong ba ki pulit ki la ioh pdiang ia ka kaiphod ka post mortem bad ki dang pynlong ia ka jingpule bniah.
“Ngi dang pule bniah ia ka kaiphod”, la ong u Bah Kharkrang.
Phi don ban ong eiei?