Dawa plie jaka mane Blei, ki ar seng

Jowai:Ki ar tylli ki sengbhalang ki la wan ban dawa na u DC ka WJH ban plie noh ia ki iing Mane ha ki shnong bapher bapher ka District.

Kitei ki ar tylli ki seng kiba kynthup ia ka All Hynñiewtrep People United Front (AHPUF) bad ka Khasi Jaiñtia National Union (KJNU) mynta ka sngi kila leit buh da ka dorkhas ha u Deputy Commissioner ka West Jaiñtia Hills District u bah Garod L.S.N Dykes (IAS) ban iathuh ha u ba ki iew ki hat mynta la plie kumba 50 percent bad dawa ruh ban plie noh sa ia ki iing mane.

U President ka AHPUF, u J. Phawa bad u President ka KJNU u N. Shadap ki la pynsngew ha utei u khlieduh ka District ba un ailad ban plie noh ïa ki jaka mane Blei ne ki ïing mane hapoh ka District bad bad ban phah jingtip ruh sha ka sorkar jylla bad kitei ki ar seng ki dawa ia kane ka juh ha baroh kawei ka jylla ha ryngkat ki SOPs jong ka tnad ka koit ka khiah ne ka sorkar jylla.