Dawa pan map na ki shi kurim, ba shah kynnoh thok ka BLO

Shillong:Ka BLO jong ka South Shillong kontitwensi, ka kong Banri Wahlang, ka la wan shakhmat, mynta ka sngi ban pan jingshai bad dawa panmab ruh, na ki arngut ki shi kurim U Amir Nongbri bad ka Rinu Rymbai, namar ki la shondur ia ka bad la pynsaphriang ia ka dur jong ka, khlem ka jingioh jingbit na ka. Ka kong Banri, ka la iathuh shuh shuh, ba kine ki shi kurim ki la kynnoh ia ka ruh ba ka la thok ba ka dei kata ka B.L.O bad ki la pynsaphriang ruh ia ka dur jong ka khlem ka jingbit jongka.

Ha ka jingiakren bad ki nongthoh khubor mynta ka sngi, ka la iathuh ba ka dei ka sien kaba nyngkong ba kan jia ha south Shillong Konstitwensi. Na ka liang jong ka kong Banri, ka la iaid shakhmat da ki bor jong ka ain, ia kine ki shikurim bad ka la buh ruh ia ka jing ujor ha ophis treikam jong u superintendent of police Shillong City, kumjuh ruh sha ka ophis treikam jong ka District collector Jong ka East khasi hills District, Shillong.