Shillong:La mudui ha Meghalaya High Court mynhynnin ka sngi, halor ka jingthmu ban pynpra noh ia ka jingtei jong ka St Anthony’s High School, ha kaba la ujor pyrshah, da U bah Philemon Nongbri Advocate, na ka bynta u nongmudui, uba shong ba sah ha Golflink, Mawpun bad la dawa na ka kashari, ba dei ban pynneh ia katei ka jingtei nam.
Ha katei ka jingiasaid mynta ka sngi, la leit rah ruh ia ka mat jong ka Meghalaya Heritage Act,2012 bad la kren shai bha, halor ka section 3(2) jong katei ka ain, ha kaba la ju pynmih ha ka gazette jong ka Meghalaya bad ban khot ia ki paidbah, ba kin ai jingmut, la katei ka jingtei, ka biang ne em ban shim ba ka dei ka jingtei, kaba dei ban pynsahnam.
La iathuh ba katei ka skul, ka dang pyniaid shakhmat, ban pynpra noh ia katei ka jingtei nam bad ka kashari, ka la bthah ia u nongmudui, ba un lah ban dawa na ka kashari, na ka bynta ban pynmih ia kano kano ka hukum kaba kyrkieh halor katei ka kam bad la aiti ruh ia ka sorkar jylla, ba kan leit ban jurip halor ka jinglong jingman jong katei ka skul bad ban sa ai jingtip sha ka kashari.
Phi don ban ong eiei?