Shillong: Ka Joint Action Commitee na Sohra ka ba kynthup ia ka Shillong Sohra Moscots Driver and owner Assiociation, ka Local Taxi Owner and Driver Assiociation bad ka Tourist taxi Assiociation ki la dawa na ka sorkar jylla ba kin ai kam ia ka kong Balawanri Shisha Khongshei ka kurim jong u bah Lurshai Hynniewta u ba la khlad ha ka jingthombor ha ka 28 tarik u Rymphang 2020 ha Ichamati.
Ha ba ia kren bad ki lad pathai khubor na ka liang u president ka SSMDOA u ba R.Labourstarwell Nongrum u la pynpaw ia ka jing sngewkhiah ha lor ka ne ka jingjia bad pynrem jur ruh ia ka jing thom bor jong ki bar jylla ki ba la bthat jubor ia ka jingim u bah Lurshai Hynniewta. U bah Nongrum u la buh ruh ka jingdawa ia ka sorkar jylla ba kan ai kam ia ka kurim jong u bah Lurshai ka ba hap ban bsa ia ki saw ngut ki khun hadien ka jingshah pyniap dusmon jong u kpa ka ing.
Na ka liang u Chairman ka JAC ASCLV u bah EvanMaxwell Basaiawmoit u la kyntu ia ka sorkar ba ka dei ban kem ia baroh ki ba donkti ban thombor ha ka 28 tarik ha Ichamati ym tang ban kem tang 7 ngut da ka ba ong ba ha kato ka sngi palat spah ngut ki barjylla ki la wan ban thombor ha Ichamati ym tang 7 ngut . U la buh ruh ia ka jingbyrngem ia ki nongsynshar shnong ki ba ju ai NOC ia ki bar jylla ki ba ju wan ban khaii pateng ha ki tei ki thain bad kum juh ia ki trai ing ba kim bit ban ai ing wai ne dukan wai ia ki barjylla nadien nagne.
Ki la buh ruh ka jing kyntu ia ki nongshong shnong ba kin kiar na ka jing shong kha khleh ba kane ka pynskhem ia ka jingwan jong u bar jylla ha ka ne ka jylla.
Ka JAC ka la iathuh ba ynda ki la dep ki eksamin bapher bapher jong ki khynnah kin sa pynlong ia ka peace rally ha Sohra ban kynmaw donburom ia u bah Lurshai Hynniewta bad ban pynrem jur ruh ia ka jing thombor jong ki bar jylla.
Phi don ban ong eiei?