Dawa ki runar T. 1 lak, ba rahbor ia ka khynnah 11 snem

Shillong, 26 Nailar:
Ki runar kiba rahbor ia kawei ka khynnah kyn thei kaba 11 snem, ki la dawa pisa na kiba haiing ban pynlait ia ka.
Katkum ka khubor na ki pulit kane ka khyn nah kaba kyrteng ka Golar Begum kaba 11 snem ka rta ka la shah rahbor ha ki runar ha ka 20 tarik Nailar ha ka por 1 baje mynstep.
Halor kane ka jingjia, u Shri Mukul Islam u la ujor ha ki pulit ba ha katei ka sngi ki runar bym tip satia ki la rahbor ia katei ka khynnah kaba khlem lapdien haduh mynta.
Hynrei kham hadien, ki nongrahbor ki la dawa ki la dawa pisa T. 1 lak na kiba haiing ban pynlait ia katei ka khynnah. Ki pulit ki dang pynlong ia ka jingtohkit halor kane ka jingjia.
Ha kawei pat ka jingjia, ki pulit ki la kem ia u Md. Basrul Haque (19 snem ka rta) halor ka jingkynnoh ba u donkti ban tuh na ka thain Khliehriat kaba hap ha East Jaintia hills district.
Shuh shuh ha kawei ka jingjia ha Nongstoin, uwei u Bonifast Nianglang u la shah kem halor ka jingkynnoh donkti ha ki kam runar ha Nongstoin.
Ha kawei pat ka jingjia, kawei ka longkmie ka la lait na tyrsim ki runar kiba thmu ban batbor ia ka ha Lumkytiar jong ka West Jaintia hills.
Ki pulit ki la ong ba kane ka longkmie ka la shah rahbor ha ki briew ha kawei ka Maruti Gypsy sha kawei ka khlaw ha Lumkytiar bad ki la pyrshang ban batbor ia ka hynrei, da ka said ka la lait im na kti jongki.