Shillong: Ka Synjuk Rangbah Shnong jong ka thain Umtyrnga Ribhoi district, hapoh ka jingialam U bah Marcus Lapasam, mynta ka sngi, ki la wan ban dawa na ka Sorkar Jylla ba ka dei ban tuklar bad weng noh ia ka jing register beain ia ka jaka kaba heh 12 hajar akar, khlem ka jing mynjur jong ki trai jaka.
Na ka liang u Marcus Lapasam, u la dawa ruh ba ka KHADC ka dei ban weng noh mardor ruh ia u Syiem ka Raid Marwet u Ken Syiem halor ka jingai syrnod ia u Mono Areng ban tyrwa die ia kane ka jaka.
U la iathuh ruh ba lyngba ki RTI ba ki la ioh ha ka 15 tarik u Iaiong 2019, la iathuh ba kat kum ki kot ki sla u Syiem ka raid Marwet u la dep ban ai ia ka syrnod ia u Mono Areng ban tyrwa die ia ka jaka kaba heh 12 hajar akar bad ia ka jingsiew la dep pyndep ha khmat ka dorbar ha ryng kat ka jing ia don ki sakhi satar ha ka ba u la ai ia ki kyrteng ha ki lai ngut ki briew ka ta u konnad Sangma,u Thomas Malai bad u Mono Areng.
U bah Marcus u la kyntait ruh ia ka jingkynnoh jong u Mono Areng ba u la pynphriang ia ki khubor ba u Mono Areng u la ioh ia ka pisa 78 klur tyngka na u Deilang Shirup Law u ba la thied ia kane ka jaka. U la ong ruh ba ym tang lai tylli ki shnong kiba U Mono Areng u la thmu ban die hynrei tang 7413 ruh ki la hap 13 tylli ki shnong, te lada u die baroh 12 hajar Akar katno tylli ki shnong kin shah ktah na ka ne ka jing thmu ban die ia kine ki jaka.
U la kynnoh ruh ba ka jing ujor ia ka ejahar na ka liang u Mono Areng ia ki 23 ngut ki briew, ka shnong ka long tang ka jing kwah jongu ban pynhap ia ki, ha ka ain khnang ba u Mono Areng,un ioh ban iaid sha khmat ia ka jingthmu ban die ia kine ki shnong ha Umtyrnga.
Sngewbha ban note: Ia ka pisa 78 crore ymdei ma nga ba pynphriang hynrei dei ka office u syiem raid marwet bad ka sub- register office kiba pynshisha ia kata. Ngi lei kum ki trai jaka kiba pyrshah halor ka jingdie ia ki shnong bad jaka rep Jong ngi,ngi pynshisha lyngba ki social media halor kaei ba ka office Jong u syiem raid marwet bad sub- register office ki pynshisha (based on registered land documents of Deilang chirup law)