Dawa ki MDC ka UDA, da ka dorbar kyrpang hapoh KHADC

Shillong: Ki MDC ka United Democratic Alliance (UDA), ki dawa ban wanrah noh da ka dorbar ba kyrpang hapoh ka Khasi Hills Autonomous District Council (KHADC).
Mynta ka sngi ki MDC jong ka UDA  ha ka jing ialam da u Chief Executive Member (CEM) barim u Teinwell Dkhar ki la leit ban ia kynduh ia u myntri rangbah ka jylla u Conrad K Sangma ban dawa na u lat ka jylla u R.N. Ravi ban wanrah noh ia ka dorbar ba kyrpang hapoh ka KHADC.
Ha ba kren bad ki lad pathai khubor u CEM barim u bah Teinwell Dkhar u la ong ba ka UDA ka kwah ba ka sorkar Meghalaya ka dei ban kyntu ia u lad ka jylla ban wan rah noh da ka dorbar kyrpang hapoh ka KHADC.
“Ngi la don ia ka jing bun paid hapoh ka District Council na ka ta ka daw ngi dawa na u lat ban wanrah noh da ka dorbar ba kyrpang khnang ban don noh ka jing ia jied EC thymmai hapoh ka KHADC” u la bynrap.
Kumba shu pynkynmaw lyngba ka jing wan kyrshan jong ar ngut ki MDC kata ka kong Grace Mary Kharpuri bad u Batskhem Ryntathiang  ka United Democratic Alliance (UDA) ha ka jing ialam da u Teinwell Dkhar ka don 16 ngut ki MDC bad ka United Democratic Forum (UDF) ha ka jing ialam u Latiplang Kharkongor ka don sa 12 ngut ki MDC khlem u Chairman ka KHADC u P. N Syiem.