Dawa ki Garo, ban phiah ïa ka Jylla, sha ka Khasi & Garo State

Shillong:Ki paid nongkyrshan ba kwah ban ioh ïa ka Garoland State, kila dawa ïa ka Sorkar Jylla bad ki MLA ba kin wanrah bad mynjur noh da ka Resolution ha Ïing dorbar Thaw Aiñ ka Jylla na ka bynta ban phiah noh ïa ka Jylla Meghalaya.

Kane ka jingdawa kala mih rally ba heh bha jong ka Garoland State Movement Committee (GSMC) kaba long ha Williamnagar, Headquarter ka East Garo Hills District. Ïa kane ka rally la ïalam da u Nikman Ch Marak, nongïalam ba hakhlieh duh ka GSMC.

Kane ka rally ka la dawa ïa ki MLA ka Jylla ba kin ïamynjur lang noh da ka Resolution ha Ïingdorbar ban phiah ïa ka Jylla sha ka Khasi Jaiñtia State bad ka Garoland State.

U Nikman ula ong ba ka jingkyrshan ïa ka jingdawa Garoland na kylleng ki jaka ka Ri-lum Garo bad ka jingwan ïashimbynta jong ki Nokma, Nongïalam Shnong, ki Laskar bad ki Sengbhalang ka dei ka dak ïa ka jingkyrshan ban phiah noh ïa ka Jylla.
Kane ka rally ka kynthup ïa ka jingïaid paidbah ha kylleng ki jaka ka sor Williamnagar ha kaba ki nongiashimbynta ki la iapyrta slogan ban mynjur noh ïa ka Garoland.