New Delhi:Ka Shiv Sena ba ialam da u Eknath Shinde, ka la pynpaw ia ka jingbym sngewhun ha ka sngi nyngkong hadien ba ki la ïoh ia ka shuki minister of state (independent charge) ha ka sorkar ba thymmai jong ka National Democratic Alliance (NDA).Ki la ïathuh ba ka parti ka angnud ban ïoh ia ka shuki myntri kabinet.
Kane ka la wan hadien shi sngi ba u nongialam jong ka parti NCP u Ajit Pawar, u la pynpaw ia ka jingbym mynjur ia ka jingai ia ka shuki minister of state.
U shabuk rangbah jong ka parti, u Shrirang Barne u la ong ba ki dang mut ban ïoh ia ka shuki myntri kabinet, namar ka jingdon jong ki kynhun synrop NDA ha ka kynhun myntri.
“Ngi tharai ban ïoh ia ka shuki myntri kabinet, u Chirag paswan u don 5 ngut ki MP, Jitan Ram Manjhi 1, JDS 2 ngut ki MP, ki dang ïoh kawei ka shuki kabinet, ka Shiv Sena ka don 7 ngut ki MP, balei ka ïoh tang kawei ka shuki minister of state independent charge.
Ka Shiv Sena ka dei ka paralok ba la slem bha jong ka BJP, namar kata ka Shiv Sena ka dei ban ïoh kawei ka shuki myntri kabinet.
Phi don ban ong eiei?