Dawa ka WJSU ban siew bai lutksan, halor ka jingkhlad u rangbah

Shillong: Ka War Jaintia Students’ Union ka pynpaw ka jingsngewkhia bad jingbitar kaba khraw halor ka
ka jingjia ba sngewsih kaba la jia ha surok bah National Highway hajan ka ICAR Umiam ha ka por
Ka tamasa phuh syntiew cherry, ha kaba u nongñiah thuk thuk u Bah Hudderfield Rymbui, ula khlad noh.

Ka WJSU, ka pynrem jur ia kane ka jingleh thombor bad ka ong ba ka jingleh thombor jong ki heh ki hain, ka la jyllei hapdeng ki myntri bad ki heh sorkar.

Ka WJSU ka la khot ia u myntri rangbah, kum u khlieh jong ka jylla ba un shim ia ka jingkitkhlieh mardor halor kane ka jingjia kaba shyrkhei bad ka seng ka dawa ba baroh ki briew shimet kiba donkti khlem da khein ia ka kyrdan jong ki, kin shah pynngat ha ka jingkitkhlieh bad kin iakynduh ia ka bor kaba pura jong ka ain jong ka ri.

Shuh shuh ka Synjuk ka dawa ruh ïa ka jingtohkit kaba bniah bad kaba khlem shah liang bad ka seng, ka dawa ruh ia ka sorkar jylla, ba kan siew bai lutksan kaba biang sha kiba haïing hasem.