Dawa ka RBYF na ka Meghalaya Rural Bank, ban buh ATM ha Umsning

Nongpoh: Haba shimkhia halor ka jingeh kaba la iakynduh da kiba bun ngut ki riew paidbah, kiba la shem jingeh ban sei pisa haba don kino kino ki kam kiba donkam ban sei pisa kyrkieh na ki Bank, ki la don ki katto katne ki noongialam ka RBYF na Umsning, kiba la leit ban kynduh ia u Branch Manager ka Meghalaya Rural Bank, ban dawa na u ba u dei ban buh noh ia kawei ka kor sei pipsa ne ka ATM ha Umsning.

La sngewthuh, ba ka nongrim kaba la pynlong ia kitei ki nongialam ka RBYF ba kin leit kynduh ia utei u Branch Manager ka MRB ha Umsning, ka dei hadien ba ki la iohi ba ki la don shibun ki riew paidbah na ki shnong bapher bapher ka thian Umsning, kiba la shem jingeh shikatdei haba iadei bad ki kam sei pisa bad katno tam haba ki don ia ki kam kiba kham kyrkieh.

Lyngba katei ka jingleit ban kynduh ia utei u Branch Manager ka MRB, kitei ki nongialam ka RBYF, ki la dawa ia u ba u dei ban kren sha ki bor ba kham halor na ka bynta ban buh noh ia kawei ka kor ATM ha Umsning, khnang ba kan pynsuk ia ki paidbah kiba donkam ban sei pisa kyrkieh. Halor katei ka jingdawa da ka RBYF utei u Branch Manager ka MRB, u la kular ba u shimkhia ha ka ban iakren bad ki bor ba shalor, na ka bynta ban pynurlong ia katei ka jingdawa ka seng ban buh ia kawei ka Kor ATM ha Umsning.