Khliehriat: Ka seng Meghalaya People United Front-East Jaintia Hills District (MPUF-EJHD) hapoh ka jingialam u president jongka u bah Michal Chyrmang, ki leit buh da ka dorkhas ha u CEM ka Jaintia Hills Autonomous District Council (JHADC) ban dawa ban weng ia ki jing mynjur ia ki lai tylli ki karkhana sain dewiong (Coke), kaba hap hapoh ka Elaka Rymbai bad ar tylli kiba hap hapoh ka Elaka Sutnga East Jaintia Hills.
Katkum ka jingiakren ka seng bad u CEM ka JHADC u ma Thombor Shiwat,U CEM ula kular ban rah ia katei ka phang ha ka EC bad katkum ka jing ong u CEM ba ka long kaba eh ban pynduh ia ka jingmynjur, ia kano kano ka karkhana lada kata ka karkhana, ka la biang lypa baroh ki kot ki sla, na kiwei ki Department Sorkar lane ki NOC na ki Dorbar shnong.
U CEM u la kular ruh ba nangne shakhmat ka EC kan nym ai shuh ia kino kino ki jing mynjur sha kano kano ka karkhana thymmai hapoh ka jingialam jong u kum u CEM. U CEM ula ong ruh ba haduh mynta don hynniew phra tylli ki karkhana thymmai kiba wan pan jingmynjur, na ka JHADC hynrei ka JHADC ka la pynsangeh shwa namar ka jingpyrshah na u babun balang bad na ki Sengbhalang.
Phi don ban ong eiei?